تحشيش (سندريلا ) مو طبيعي ............ ههههههههه
3 مشترك
Ocean Net :: Ocean Net :: المنتدى الأول :: المنتدى العام
صفحة 1 من اصل 1
تحشيش (سندريلا ) مو طبيعي ............ ههههههههه
من طرف mohameddanger الأربعاء أبريل 09, 2008 2:01 pm
كان ياما كان في عتيك الزمكان (من جان الرسيفر ب 5 دنانير ونص و من جان البعير همر و من جان الصمون ينباع فل)
جان اكو حاتة اسمها سندرلا خوش حاتة اصيلة و علمودها غنة حسام الاغنية مال العكربة,,,المهم جان عدها مرت اب كلش خبيثة و جانت تشتغل وية الامريكان مترجمة و ابوها جان خطية يبيع قوايش مبردات حجم 1100 اب عكد النصارى و احيانا يبيع شخاط فلّ خوش ازلمة جان مال اول ... و جانو الكل سايكين على سندرلا خطية روحي سوي الجوزة مال مولد فصلت ,,,روحي اوكفي سرة عال غاز,,, روحي السهام العبيدي اشتري شحاطات ال خواتج (اللي همة جانو 3 خوات بس من غير اب هم خبيثات للهامة ),,,روحي شلعي الشتايكر مال السطح و رجعية مرة لخ,,,روحي جيبي لفات فلافل مشي,,روحي بدلي الدهن مال المولدة الاقصى كامت أتفحّط ...و هاي خطية جانت كلش حبااابة و تروح ولا تفتح حلكها (بس من جواها جان التقسيم مشتغل) المهم,,,,,الى أن يوم من الايام جانت دا اصعد مي اب جليكان ابو ال 20 (المي ضعيف و الماطور ما ايصعد لان ماكوكهرباء) لكت بالطرمة فانوس بس شنوو مزنجر و عتيك عبالك جان ابدوائر الدولة و اتحوسم جتي علية فركتة و جرررب كام يطلع دخان سندرلللا انرعصت و ازبهّلت و رجعت خطوتين للخلف بسبب المفاجأة حتة اصطمت بالدنكة(مع انه ما جان اكو دنكة) و كالت :هاي شنو العالم حتة هنا ايحركون زبل و تايرات؟؟؟شنو هال دخان هذا؟الدخان شوية شوية اتحول الى جني لابس دريس مال برشلونة و بوتين اديداس وسوار ذهب و حاط معطر freedom for men و كللها:-
-شبيك لبيك عبدك بين ايديك انا الجني رامي من العرصات شتريدين اسويلج بس عال سريع لأان ماما دكتلي مسكول لازم ارجع
-عمو جني اريد وطني 24 ساعة ممكن؟
-ولج بابة هوة اني ساحب واير 5 امبير من مولد للفانوس اشون اجيبلج الج وطني 24 ساعة؟ شنو جني لو وزير الكهرباء؟
-زين عمو عمو اريد قنينة مال غاز متروسة لأن امعوزين و كلش .....
-ولج عمو شنو هال حجي؟ ولج انتي شكد فكرية.. اكو واحد يطلب من جني قنينة مال غاز؟ شايفتني رابط الفانوس عال حصان؟
-عمو عمو لعد اشتكدر اتسويلي؟
-باعي عمو انتي بعدج اصغيرة و محرومة و الامير راح ايسوي حفلة و ادري عائلتج راح اتروح شنو رايج لو اخليج اتروحين و تتونسين؟ احتمال اتطلعين اب صاية و صرماية لأن الشرقية هم دا اتصور هناك حفلة طاكة بابة.
- زين اشون اروح عمو؟نفرات لو كيا؟
-بابة معليج هسة غمضي عينج.... سندرلا غمضت عينها (و من الغريب يا جماعة انه اول ما غمضت عينها ما كامت اتشوف و هذا الشي محد لكالة تفسير لي هسة)و جررررب شافت سندرللا نفسها لابسة تنورة كصيرة و بدي و حذاء مفتوح يعني طلعت حااتة اللا مش ممكن (الجني زرك السهام العبيدي و طرق عال سريع ورقة و نص و جابلهيا لأن طلع لوكي مال حاتات عتيك)
و كللها الحلفة اقصد الحفلة تخلص بال 8 و نص علمود منع التجول و كل هاي الهدوم راح توكع و الحذاء و الميك اب و كلشي راح يختفي اذا عبرت ال 8 و نص و احتمال تنلعسين بالطريق
-حاضر عمو شكرااااااااااااااااااااااا(هاي شكرا الطويلة مال الزعاطيط)
وصلت سندرللا البيت الامير جان امسوي حفلة لان طلع 77 بالسادس حيروح اهلية احتمال او طب بيطري بعد ما اعرف و الحفلة جان بيها نجود و سمراء و ساجدة عبيد(كلة هجع و عالكة) و سهام السبتي هم جانت موجودة و الامير شاد الرباط علة راسة و امقندل و صاير طلي و ردح لليافوخ و فجأة الامير صاد سندرللا و عجبتة و كابلها جتف ساعتين و ساندرللا نست روحها و نست الكراب و السراوات و البهذلة و نزلت ردح الى ان صارت 8 و نص ......اللهّّّّ!!!!! انلاصت اتذكرت الوصية مال رامي الجني و كالت لازم اشطح و ركضتلك عال سريع جنها برزلة هس توها امجفتة و الامير وراها:
-وج تعاااي شبيج اتخبلتي؟مو دا احاجيج ؟؟؟ وين امولية ؟؟؟ فضيلة(هلكد ما سكران نسة اسمها)المهم ركضت سندرللا و جررب وكع الحذاء مالتها بلا ما تدري جان الامير ايشيل الحذاء و لزمة و ضل صافن عال عالم اللي انتبهو عال لقطة و كامو ايباوعون علية الامير بقة شايل الحذاء و
مصدوم و صورة سندرللا الحلوة اببالة,,, الحفلة اتوقفت طبعا و العالم سكتت من المفاجأة
جان ايباوع الامير عال العالم ....صنطة.......و كال للناس :
الشركة العامة للصناعات الجلدية: فخر الصناعة الوطنية العراقية خبرة و تميز في مجال المصنوعات الجلدية من الأحذية و الحقائب بأرقى المواد الاولية الفرع الرئيسي :الكرادة قرب جسر ابو الطابقين
أتمنا أن يكون الموضوع قد أعجبكم لاتنسوني بردكم تحياتي محمد الخطير
جان اكو حاتة اسمها سندرلا خوش حاتة اصيلة و علمودها غنة حسام الاغنية مال العكربة,,,المهم جان عدها مرت اب كلش خبيثة و جانت تشتغل وية الامريكان مترجمة و ابوها جان خطية يبيع قوايش مبردات حجم 1100 اب عكد النصارى و احيانا يبيع شخاط فلّ خوش ازلمة جان مال اول ... و جانو الكل سايكين على سندرلا خطية روحي سوي الجوزة مال مولد فصلت ,,,روحي اوكفي سرة عال غاز,,, روحي السهام العبيدي اشتري شحاطات ال خواتج (اللي همة جانو 3 خوات بس من غير اب هم خبيثات للهامة ),,,روحي شلعي الشتايكر مال السطح و رجعية مرة لخ,,,روحي جيبي لفات فلافل مشي,,روحي بدلي الدهن مال المولدة الاقصى كامت أتفحّط ...و هاي خطية جانت كلش حبااابة و تروح ولا تفتح حلكها (بس من جواها جان التقسيم مشتغل) المهم,,,,,الى أن يوم من الايام جانت دا اصعد مي اب جليكان ابو ال 20 (المي ضعيف و الماطور ما ايصعد لان ماكوكهرباء) لكت بالطرمة فانوس بس شنوو مزنجر و عتيك عبالك جان ابدوائر الدولة و اتحوسم جتي علية فركتة و جرررب كام يطلع دخان سندرلللا انرعصت و ازبهّلت و رجعت خطوتين للخلف بسبب المفاجأة حتة اصطمت بالدنكة(مع انه ما جان اكو دنكة) و كالت :هاي شنو العالم حتة هنا ايحركون زبل و تايرات؟؟؟شنو هال دخان هذا؟الدخان شوية شوية اتحول الى جني لابس دريس مال برشلونة و بوتين اديداس وسوار ذهب و حاط معطر freedom for men و كللها:-
-شبيك لبيك عبدك بين ايديك انا الجني رامي من العرصات شتريدين اسويلج بس عال سريع لأان ماما دكتلي مسكول لازم ارجع
-عمو جني اريد وطني 24 ساعة ممكن؟
-ولج بابة هوة اني ساحب واير 5 امبير من مولد للفانوس اشون اجيبلج الج وطني 24 ساعة؟ شنو جني لو وزير الكهرباء؟
-زين عمو عمو اريد قنينة مال غاز متروسة لأن امعوزين و كلش .....
-ولج عمو شنو هال حجي؟ ولج انتي شكد فكرية.. اكو واحد يطلب من جني قنينة مال غاز؟ شايفتني رابط الفانوس عال حصان؟
-عمو عمو لعد اشتكدر اتسويلي؟
-باعي عمو انتي بعدج اصغيرة و محرومة و الامير راح ايسوي حفلة و ادري عائلتج راح اتروح شنو رايج لو اخليج اتروحين و تتونسين؟ احتمال اتطلعين اب صاية و صرماية لأن الشرقية هم دا اتصور هناك حفلة طاكة بابة.
- زين اشون اروح عمو؟نفرات لو كيا؟
-بابة معليج هسة غمضي عينج.... سندرلا غمضت عينها (و من الغريب يا جماعة انه اول ما غمضت عينها ما كامت اتشوف و هذا الشي محد لكالة تفسير لي هسة)و جررررب شافت سندرللا نفسها لابسة تنورة كصيرة و بدي و حذاء مفتوح يعني طلعت حااتة اللا مش ممكن (الجني زرك السهام العبيدي و طرق عال سريع ورقة و نص و جابلهيا لأن طلع لوكي مال حاتات عتيك)
و كللها الحلفة اقصد الحفلة تخلص بال 8 و نص علمود منع التجول و كل هاي الهدوم راح توكع و الحذاء و الميك اب و كلشي راح يختفي اذا عبرت ال 8 و نص و احتمال تنلعسين بالطريق
-حاضر عمو شكرااااااااااااااااااااااا(هاي شكرا الطويلة مال الزعاطيط)
وصلت سندرللا البيت الامير جان امسوي حفلة لان طلع 77 بالسادس حيروح اهلية احتمال او طب بيطري بعد ما اعرف و الحفلة جان بيها نجود و سمراء و ساجدة عبيد(كلة هجع و عالكة) و سهام السبتي هم جانت موجودة و الامير شاد الرباط علة راسة و امقندل و صاير طلي و ردح لليافوخ و فجأة الامير صاد سندرللا و عجبتة و كابلها جتف ساعتين و ساندرللا نست روحها و نست الكراب و السراوات و البهذلة و نزلت ردح الى ان صارت 8 و نص ......اللهّّّّ!!!!! انلاصت اتذكرت الوصية مال رامي الجني و كالت لازم اشطح و ركضتلك عال سريع جنها برزلة هس توها امجفتة و الامير وراها:
-وج تعاااي شبيج اتخبلتي؟مو دا احاجيج ؟؟؟ وين امولية ؟؟؟ فضيلة(هلكد ما سكران نسة اسمها)المهم ركضت سندرللا و جررب وكع الحذاء مالتها بلا ما تدري جان الامير ايشيل الحذاء و لزمة و ضل صافن عال عالم اللي انتبهو عال لقطة و كامو ايباوعون علية الامير بقة شايل الحذاء و
مصدوم و صورة سندرللا الحلوة اببالة,,, الحفلة اتوقفت طبعا و العالم سكتت من المفاجأة
جان ايباوع الامير عال العالم ....صنطة.......و كال للناس :
الشركة العامة للصناعات الجلدية: فخر الصناعة الوطنية العراقية خبرة و تميز في مجال المصنوعات الجلدية من الأحذية و الحقائب بأرقى المواد الاولية الفرع الرئيسي :الكرادة قرب جسر ابو الطابقين
أتمنا أن يكون الموضوع قد أعجبكم لاتنسوني بردكم تحياتي محمد الخطير
mohameddanger- عضو يشتغل
- عدد الرسائل : 85
تاريخ التسجيل : 05/04/2008
رد: تحشيش (سندريلا ) مو طبيعي ............ ههههههههه
من طرف ياسر كاتيوشه الخميس أبريل 10, 2008 2:41 am
مشكور ابو اجويسم
تقبل مروري
تقبل مروري
ياسر كاتيوشه- عضو مبدع
- عدد الرسائل : 129
العمر : 35
الموقع : UAE
تاريخ التسجيل : 06/04/2008
رد: تحشيش (سندريلا ) مو طبيعي ............ ههههههههه
من طرف بوجي بغداد الخميس أبريل 10, 2008 12:48 pm
رح اغني اغنية العكربة يمة كرصتني عكربة يمة كرصتني عكروبة ههههههههههههههههههههههههههههههههههههههههه 
بوجي بغداد- عضو مبدع
- عدد الرسائل : 196
تاريخ التسجيل : 04/04/2008
رد: تحشيش (سندريلا ) مو طبيعي ............ ههههههههه
من طرف mohameddanger الجمعة أبريل 11, 2008 6:59 am
مشكورين أحبابي عله مروركم بيه منا أتقبلو تحياتي محمد الخطير
mohameddanger- عضو يشتغل
- عدد الرسائل : 85
تاريخ التسجيل : 05/04/2008
رد: تحشيش (سندريلا ) مو طبيعي ............ ههههههههه
من طرف بوجي بغداد السبت أبريل 12, 2008 3:16 pm
ياسر كاتيوشه كتب:مشكور ابو اجويسم
تقبل مروري
بوجي بغداد- عضو مبدع
- عدد الرسائل : 196
تاريخ التسجيل : 04/04/2008
رد: تحشيش (سندريلا ) مو طبيعي ............ ههههههههه
من طرف بوجي بغداد السبت أبريل 12, 2008 3:17 pm
بوجي بغداد كتب:رح اغني اغنية العكربة يمة كرصتني عكربة يمة كرصتني عكروبة ههههههههههههههههههههههههههههههههههههههههه
بوجي بغداد- عضو مبدع
- عدد الرسائل : 196
تاريخ التسجيل : 04/04/2008
رد: تحشيش (سندريلا ) مو طبيعي ............ ههههههههه
من طرف بوجي بغداد السبت أبريل 12, 2008 3:19 pm
mohameddanger كتب:مشكورين أحبابي عله مروركم بيه منا أتقبلو تحياتي محمد الخطير
بوجي بغداد- عضو مبدع
- عدد الرسائل : 196
تاريخ التسجيل : 04/04/2008
مواضيع مماثلةOcean Net :: Ocean Net :: المنتدى الأول :: المنتدى العام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى