فوائد أنقطاع الكهرباء

من طرف mohameddanger الجمعة أبريل 11, 2008 8:07 am

لو تلاحظون من تنطفي الكهرباء العائلة تكعد سوة بالهول

بالكراج بالحديقة ولو بالكراج تشوفون الواحد منه

لزم الصوندا وكام يرشرش...وواحد يهفي للاخ وتصير

سوالف وضحك وشقة وعركة ... اكيد صايرة وياكم

بس لو نجي عليها من صدك

اذا الكهرباء تنطفي 5 ساعات وتجي ساعة ونص يعني

العائلة راح تجتمع(15 ساعة باليوم) وهذا بدوره سوف

يؤدي الى ترابط افراد الاسرة وترابط افراد الاسرة

وتواجدها معا بكثرة سوف يؤدي الى

:1-الملل -روتيييييين

2-انزعاج افراد الاسرة

3-كل يوم تشوف نفس الناس(طبعا اذا ماكو طلعة طبعا

4-الاشخاص بالعائلة راح تضوج الواحد من اللاخ اذا

( واحد مكابل اللاخ 15 ساعة هاي وين صايرة)

5-نمو عقدة عند الانسان وهي الجلوس...الجلوس

...
6-سوف يصبح الشخص كثير التكلم (مثل العجايز طبعا

اذا مطفية الكهرباء شيسوي غير يحجي)

7-نمو موهبات متعددة عند الشخص يطبخ..يلعب طوبه

8-اخيرا وليس اخرا تجي حالات للواحد مثل يكوم يسوي

حركات غريبة ...لو يحجي حجي بلا ربط بس الله يفتهمه

حتى هو ميفتهم شديحجي وطبعا ترزله علمود يسكت وهو ولا يمه الحجي مستمر

*وهذا طبعا سوف يؤدي الى (عودة اشخاص الاسرة

العراقية كل واحد بصفحة)

أحبابي مو تنسون ردودكم تحياتي محمد الخطير