تعال تعلم شلون تسوي هاي الفيكه الحلوه بحاسبتك

السلام عليكم ... شلونكم شباب و بنات ... ان شاء الله زينين ؟؟؟
اليوم حعلمكم فيكه حلوه تكدرون تسووها بالحاسبه يمكن تعرفوها ويمكن لا بس اني شفتها حلوه فحبيت اعلمها الكم ....
الفيكه سهله و بسيطه و ما بيها اي تعقيد مجرد جم امر بالدوز ....
اليوم حتتعلم شلون تطفي الحاسبه بعد وكت معين انته تحدده !!!!!!!
يعني نخلي الحاسبه تنطفي من كيفها بعد مرور وكت معين !!!!!!!!
اول شي روح عله Start و منها اختار Run واكتب الامر التالي :
shutdown -s -t 3600
ملاحظه : المده تنحسب بالثواني يعني ال 3600 هنا تمثل الثواني اللي وره متخلص راح تنطفي الحاسبه ...
3600 ثانيه = 60 دقيقه = 1 ساعه
وانته تكدر تختار الوكت الي يعجبك بس المهم مراعاه الفراغ بين الحروف ...
هسه وره متكتب الامر راح تطلعلك شاشه صغيرونه بيها شكد بقه وكت عله ما يطفى جهازك ....


هسه نجي عله كيفيه الغاء هاذه الامر ... شلون ؟؟؟
روح عله Start و منها اختار Run واكتب الامر التالي :
shutdown -a
فراح تنلغي عمليه ال shutdown للجهاز .................
ان شاء الله تستفادون من هاي الشغله
تحياتي

مشكور عمري على هذا الموضوع الحلو